كيك حلو ...

السلام عليكم ورحمة الله وبركاته حبيباتي
هاذي طريقة كيك سهل وحلو لأصحاب الذوق الحلو
نبدأبسم الله:

طريقة عمل الكيك:
2 بيض
كاسه كبيرة سكر
رشة فانيلا للنكهه

اخلطيها بالخلاط او بيدك
وخليها وبعد عدة دقائق

اضيفي لها
ربع كاسه كبيرة زيت
كاسة كبيرة دقيق
ملعقتين بكنج بودر
علبه زبادي (بس رجي الزبادي قبل فتحه عشان مايكون معقد)
واخلطي مرة ثانيه المكونات

خذي صينيةبحجم وسط وادهنيها بزيت
وضعي المكونات
وضعيها في الفرن وولعي عليها من تحت وبعدين من فوق ويصير لونها ذهبي
وعشان تتأكدي انها استوت
اخرمي الكيكة بعود اسنان
لو خرج العود من الكيكة نظيف يعني الكيكة مستوية ولو خرج العود ولاصق فيه بعض من الكيك سخنيه من تحت اشويه لانه ما استوى

طريقة الطبقة الخارجيه:
1 نستله كبير
4 حبات جبنه كيري
توضع في الخلاط حتى تندمج
ثم توضع على الكيكةالساخنه

الزينة:
نوزيع شكولاتة سائله على الكيكةبشكل عشوائي موجودة في البقالة (شوكولاتة سائلة)او خذي جالكسي وذوبيها على النار مع اشوية مويه


وفي النهاية كسري فوقها شوكولاتة فلك وضعيها اشويه في الثلاجة عشان تبرد مو تجمد


جربوها مرة وحتسوها عشرين مرة
انا عن نفسي اسويها واحط فوقها بس نستله لو ما عندي باقي المكونات
طعمها كمان حلو

وبالعافيه عليكم


شكر خاص لصديقتي حنان الي اعطتني الوصفه

شكرا... مشكووووووووووووووووووووووووورة